壹 週 刊      時 事
時 事 短 打 咁 戒 煙 都 得


心 理 學 博 士 兼 催 眠 師 連 峻 叫 戒 煙 者 看 他 的 手 指 ， 慢 慢 進 入 潛 意 識 狀 態 。 （ 張 飆 攝 ）　 　

財 爺 狂 加 煙 稅 ， 戒 煙 求 助 個 案 急 增 ， 但 上 週 電 子 煙 被 踢 爆 尼 古 丁 含 量 超 高 ， 比 煙 仔 禍 害 更 深 ， 售 賣 或 藏 有 電 子 煙 ， 更 屬 違 法 ； 不 少 標 榜 非 尼 古 丁 類 的 騎 呢 戒 煙 方 法 ， 如 催 眠 戒 煙 、 針 灸 戒 煙 、 戒 煙 牙 膏 、 戒 煙 香 水 ， 乘 機 出 籠 。

催 眠 戒 煙
「 當 時 我 好 似 覺 ， 但 又 未 ， 好 似 發 夢 ； 催 眠 師 引 導 我 去 諗 一 個 個 畫 面 。 」 三 十 五 歲 的 Sam ， 半 年 多 前 接 受 催 眠 戒 煙 。 催 眠 的 地 方 在 「 Rene a LKF 」 心 理 治 療 師 診 症 室 ， 布 置 騎 呢 ： 一 邊 放 張 醫 生 和 梳 化 椅 ， 另 一 邊 則 放 張 擺 滿 公 仔 的 大 梳 化 ， 像 小 朋 友 房 間 ， 又 像 塔 羅 牌 占 卜 師 工 作 室 。

Sam 吸 煙 十 年 ， 健 康 日 差 ， 脾 氣 亦 越 來 越 躁 ， 加 上 他 計 劃 生 仔 ， 所 以 想 戒 煙 。 他 說 ︰ 「 試 過 用 意 志 戒 ， 戒 唔 到 ， 之 後 試 過 戒 煙 糖 、 戒 煙 貼 ， 反 變 長 期 依 賴 ， 一 唔 用 ， 又 食 番 煙 。 」 後 來 朋 友 介 紹 他 試 催 眠 戒 煙 。 「 覺 得 有 少 少 神 奇 ， 但 既 然 食 煙 係 心 癮 ， 心 理 治 療 應 該 有 用 。 」 Sam 說 ， 催 眠 師 向 他 了 解 背 景 後 ， 便 要 他 平 靜 地 坐 在 梳 化 椅 上 ， 合 上 眼 ， 放 鬆 呼 吸 ； 之 後 便 引 導 他 進 入 「 似 睡 非 睡 」 的 狀 態 。 但 他 強 調 ， 當 時 是 清 醒 的 。

Sam 所 謂 「 似 睡 非 睡 」 的 狀 態 ， 叫 「 潛 意 識 狀 態 」 ； 潛 意 識 是 內 心 被 壓 抑 而 「 無 從 意 識 」 的 慾 望 、 記 憶 或 思 想 ， 能 影 響 思 維 和 行 徑 、 性 取 向 和 喜 惡 等 。 過 去 本 港 警 方 多 次 運 用 催 眠 ， 尋 找 線 索 ， 如 八 五 年 的 寶 馬 山 雙 屍 案 及 九 二 年 的 屯 門 色 魔 案 ， 專 家 催 眠 案 中 證 人 ， 他 們 在 潛 意 識 狀 態 中 ， 勾 起 對 案 件 的 回 憶 ， 結 果 成 功 破 案 。

政 府 狂 加 煙 稅 ， 不 少 煙 民 近 日 急 急 戒 煙 。

「 我 希 望 加 強 佢 戒 煙 動 機 ， 所 以 引 導 佢 去 諗 戒 煙 之 後 ， 將 會 出 現 美 好 情 景 。 」 在 英 國 Essex Institute of Clinical Hypnosis 取 得 催 眠 師 資 格 的 連 峻 ， 在 港 有 十 年 催 眠 治 療 經 驗 ， 他 說 催 眠 戒 煙 在 香 港 已 有 五 六 年 歷 史 ， 在 英 國 更 甚 為 流 行 。

他 說 ， 當 日 引 導 Sam 想 像 與 太 太 抱 BB ， 一 家 三 口 幸 福 快 樂 的 畫 面 ， 而 整 個 催 眠 狀 態 維 持 大 約 半 小 時 。 Sam 說 自 己 一 次 催 眠 後 戒 到 煙 ， 至 今 半 年 來 都 未 碰 過 煙 ， 「 以 前 差 不 多 一 日 一 包 ， 但 而 家 就 算 一 班 朋 友 ， 佢 俾 煙 我 食 ， 我 點 起 支 煙 都 唔 會 吸 入 口 ， 反 而 覺 得 支 煙 好 臭 。 」

連 峻 說 ， 外 國 一 些 催 眠 師 會 引 導 人 聯 想 負 面 東 西 ， 如 一 吸 煙 便 會 嘔 吐 或 呼 吸 困 難 ； 但 他 怕 催 眠 者 反 應 過 敏 ， 日 後 一 見 人 吸 煙 便 嘔 吐 ， 只 採 用 正 面 聯 想 ， 不 會 輸 入 負 面 影 像 。 他 又 說 ， 整 個 催 眠 戒 煙 療 程 大 約 三 小 時 ， 收 費 二 千 元 。 近 日 煙 稅 大 加 ， 向 他 求 診 的 人 亦 大 幅 增 加 。 「 以 前 一 個 月 只 七 至 八 個 case ， 但 而 家 每 日 都 兩 三 個 。 」

專 家 點 睇
精 神 科 專 科 醫 生 李 永 堅 指 ， 催 眠 能 否 成 功 戒 煙 ， 取 決 於 催 眠 師 「 夠 唔 夠 班 」 。 「 如 果 催 眠 師 唔 夠 班 ， 會 勾 起 求 診 者 內 心 不 快 回 憶 ， 甚 至 其 他 童 年 陰 影 ， 可 能 會 造 成 反 效 果 ， 令 人 情 緒 失 控 ， 或 陷 入 其 他 情 緒 問 題 。 」

針 灸 調 陰 陽
催 眠 戒 煙 大 收 旺 場 ， 用 針 灸 來 戒 煙 亦 大 有 人 在 。 原 來 中 醫 相 信 煙 草 及 尼 古 丁 令 人 體 陰 陽 失 調 ， 從 而 對 尼 古 丁 上 癮 ， 所 以 中 醫 的 戒 煙 法 是 以 針 灸 或 耳 穴 療 法 ， 重 新 調 整 吸 煙 者 的 陰 陽 。

所 謂 耳 穴 療 法 ， 即 在 戒 煙 者 耳 內 的 穴 位 ， 貼 上 一 種 名 為 「 王 不 留 行 」 的 中 藥 種 籽 。 「 王 不 留 行 」 是 石 竹 科 植 物 麥 藍 菜 的 種 籽 ， 外 用 本 身 無 藥 性 ， 但 因 呈 圓 形 且 細 小 ， 可 供 按 壓 穴 位 ， 等 同 針 灸 的 功 效 。
註 冊 中 醫 師 余 健 楚 說 ︰ 「 耳 朵 內 某 些 穴 位 受 刺 激 ， 不 但 會 起 鎮 靜 、 安 神 的 作 用 ， 而 且 亦 會 重 新 平 衡 戒 煙 者 的 陰 陽 ， 同 時 會 令 戒 煙 者 對 煙 味 產 生 厭 惡 ， 在 不 知 不 覺 間 抗 拒 吸 煙 。 」 一 般 而 言 ， 在 刺 激 穴 位 後 ， 戒 煙 者 便 會 即 時 產 生 反 應 ， 開 始 逐 漸 見 到 療 效 。

他 又 指 ， 按 耳 穴 效 力 雖 持 久 ， 但 反 應 卻 不 及 手 腕 「 列 缺 穴 」 與 「 經 渠 穴 」 之 間 的 一 個 新 穴 位 「 戒 煙 穴 」 ， 現 時 不 少 中 醫 都 雙 管 齊 下 ， 行 耳 穴 療 法 之 餘 ， 也 施 針 刺 激 「 戒 煙 穴 」 。 曾 在 北 京 醫 院 實 習 的 余 健 楚 更 說 ， 在 北 京 的 大 醫 院 ， 不 時 有 外 國 人 專 誠 跑 來 接 受 戒 煙 治 療 。 現 時 ， 每 次 耳 穴 療 法 收 費 一 百 五 十 元 。

專 家 點 睇
香 港 中 醫 師 公 會 會 長 關 之 義 指 ， 針 灸 戒 煙 及 耳 穴 戒 煙 是 以 經 絡 穴 位 來 平 衡 戒 煙 者 在 戒 煙 後 的 不 良 反 應 ； 由 於 兩 法 不 須 服 用 任 何 藥 物 ， 基 本 上 無 副 作 用 ， 而 且 成 效 亦 早 已 被 國 內 外 公 認 ， 甚 至 不 時 有 外 籍 人 士 跑 來 求 診 。

網 上 近 來 有 不 少 古 怪 的 戒 煙 產 品 。 自 稱 以 人 參 、 甘 草 、 薄 荷 為 主 要 成 分 的 戒 煙 牙 膏 ， 在 網 上 索 價 一 百 九 十 八 元 人 民 幣 三 支 。 據 介 紹 ， 牙 膏 內 含 有 天 然 植 物 成 分 ， 「 由 舌 下 黏 膜 吸 收 ， 並 刺 激 嗅 覺 細 胞 ， 『 喚 醒 』 被 尼 古 丁 麻 痺 的 神 經 系 統 ， 逐 漸 擺 脫 對 尼 古 丁 的 依 賴 」 ， 宣 傳 更 指 ， 只 要 每 天 刷 牙 兩 次 ， 用 完 三 支 牙 膏 後 便 可 成 功 戒 煙 。

另 一 種 在 內 地 被 宣 傳 為 「 一 天 聞 一 次 ， 三 次 就 戒 煙 」 的 「 易 戒 」 戒 煙 香 水 。 據 介 紹 ， 售 價 四 百 九 十 八 元 人 民 幣 的 「 易 戒 」 由 四 十 二 種 中 草 藥 精 製 而 成 ， 內 含 「 抑 煙 素 」 與 「 禁 煙 素 」 ， 只 要 嗅 入 有 效 成 分 ， 便 可 以 成 功 戒 煙 。

專 家 點 睇
香 港 醫 院 藥 劑 師 學 會 教 育 總 監 崔 俊 明 提 醒 市 民 在 使 用 前 要 三 思 ︰ 「 產 品 只 講 以 中 草 藥 成 分 為 主 ， 但 實 則 係 乜 根 本 唔 知 ， 分 分 鐘 有 毒 ， 亦 可 能 好 似 電 子 煙 一 樣 有 尼 古 丁 ， 到 時 戒 煙 唔 成 反 而 煙 癮 加 深 。 」

政 府 推 動 戒 煙 得 個 講
現 時 ， 衛 生 署 及 醫 管 局 轄 下 的 戒 煙 診 所 ， 大 多 只 會 向 求 診 市 民 派 發 含 有 尼 古 丁 成 分 的 戒 煙 貼 或 提 供 戒 煙 糖 ， 但 其 實 兩 年 前 本 港 已 引 入 一 種 非 尼 古 丁 成 分 、 名 為 「 戒 必 適 （ Champix ） 」 的 新 一 代 戒 煙 藥 ， 但 政 府 一 直 未 重 用 。

「 日 本 、 台 灣 、 澳 洲 等 地 政 府 會 免 費 提 供 戒 煙 治 療 ， 但 香 港 要 市 民 自 己 出 錢 戒 煙 。 」 港 大 醫 學 院 內 科 學 系 名 譽 臨 床 醫 學 助 理 教 授 林 冰 指 政 府 不 資 助 市 民 戒 煙 是 短 視 ， 因 為 日 後 市 民 因 吸 煙 而 出 現 健 康 問 題 ， 將 會 大 大 增 加 政 府 的 醫 療 開 支 。

原 來 ， 到 政 府 戒 煙 診 所 求 診 ， 醫 生 最 多 免 費 發 兩 星 期 戒 煙 貼 或 戒 煙 糖 。 據 知 ， 這 些 免 費 產 品 是 藥 廠 送 來 的 試 用 裝 。 「 （ 戒 必 適 ） 呢 隻 戒 煙 藥 ， 好 處 係 無 尼 古 丁 成 分 ， 但 兩 個 星 期 要 八 百 蚊 ， 一 個 療 程 要 三 個 月 ， 醫 院 自 己 都 唔 肯 入 貨 ， 市 民 一 定 要 拎 醫 生 紙 去 藥 房 買 ， 戒 煙 人 士 知 道 咁 貴 又 麻 煩 ， 唔 再 返 醫 院 戒 煙 。 」 林 嘆 。

資 料 來 源 ︰ 英 國 權 威 科 學 雜 誌 《 New Scientist 》 、 港 大 醫 學 院 內 科 學 系 名 譽 臨 床 醫 學 助 理 教 授 林 冰

戒 煙 成 功 率 大 比 併
好 多 人 話 戒 煙 靠 意 志 ， 實 情 係 意 志 力 強 的 人 實 在 太 少 ， 所 以 成 功 率 最 低 。

撰 文 ︰ 楊 惠 芬
資 料 ︰ 鄭 詠 欣
插 圖 ︰ 甄 梓 掀
資料來源 　 摘自 　 壹 週 刊 2009年3月12日 992期